Pra heta havorycca ŭ pracy rasijskich navukoŭcaŭ. Koratka pra jaje raspavioŭ adzin z aŭtaraŭ, prafiesar Skołkaŭskaha instytuta navuki i technałohij Hieorhij Bazykin, piša meduza.io.
Bolš za 90% vypadkaŭ «delty» u Rasii — padobna na toje, što naščadki adnaho-adzinaha virusa, zaviezienaha siudy viasnoj. Kali vy zarazilisia kavidam u Rasii hetym letam abo vosieńniu — napeŭna, vy chvareli mienavita na hety varyjant, havorycca ŭ paviedamleńni.
Pa słovach Bazykina, varyjant AY.122 pa svaich ułaścivaściach nie adroźnivajecca ad inšych raznavidnaściaŭ «delty».
«Vidać, sprava ŭ efiekcie zasnavalnika», — skazaŭ Bazykin. Jon adznačyŭ, što i da i paśla zavozu AY.122 u Rasii vyjaŭlali inšyja zaviezienyja ŭ krainu varyjanty delty, ale jany «nie mieli kankurentnaj pieravahi» ŭ paraŭnańni z hetym varyjantam.