Taki prahnoz zrabili analityki Jeŭrazijskaha banka raźvićcia ŭ štotydniovym ahladzie, pieradaje BiełaPAN.
Jany adznačyli, što ŭ Biełarusi kredyty ŭ nacyjanalnaj valucie za 9 miesiacaŭ pryraśli na 4,1%. Pry hetym kredyty dziaržsiektaru pavialičylisia na 11,1%, a pryvatnamu — na 1,8%.
Analityki JEABR «nie čakajuć źmiakčeńnia ŭmoŭ kredytavańnia ŭ najbližejšyja miesiacy, uličvajučy čarhovaje pavyšeńnie Nacbankam raźlikovych vieličyń standartnaha ryzyki, jakija ŭpłyvajuć na košt kredytavańnia dla nasielnictva i arhanizacyj».
U 2021 hodzie staŭka refinansavańnia źmianiałasia dvojčy. 21 krasavika Nacbank pavysiŭ jaje z 7, 75 da 8, 5%, 15 lipienia — da 9, 25%. U vieraśni spažyvieckija ceny da papiaredniaha miesiaca vyraśli na 1,3%, da śniežnia 2020-ha — na 7,5%, u hadavym vyražeńni — na 10,2%.
