Raniej kiraŭnikam nie naličalisia premii i bonusy za pieryjad, kali vyraśli straty pradpryjemstva, byli zatrymki pa zarobkach, pa apłacie elektryčnaści i aciapleńnia.
Ciapier dadalisia i inšyja pryčyny, praź jakija mohuć pazbavić premii. Heta zapazyčanaść pa vypłacie dziaržaŭnych dapamoh na dziaciej, niaspłata za haračuju i chałodnuju vadu.
Naličać premii za kvartał ci paŭhodździe buduć praparcyjanalna miesiacam, u jakich nie było zapazyčanaści.
Kali da kanca hoda kiraŭnik arhanizacyi pakryje zapazyčanaści pa kamunałcy, to moža atrymać 50% ad sumy premij i ŭznaharodžańniaŭ.
Hetyja źmieny ŭstupajuć u siłu z 1 listapada.
Pamier hadavoha bonusu zastajecca tym ža — da 10% pryrostu čystaha prybytku pradpryjemstva, ale nie bolšy za 12 akładaŭ uklučna. Ale ŭ zakonie ciapier prapisana, što naličacca hety bonus budzie praparcyjanalna kolkaści vykananych prahnoznych pakazčykaŭ. Što za jany, kankretna nieviadoma. Zrazumieła tolki, što hetyja pakazčyki pavinny adpaviadać prahnozu sacyjalna-ekanamičnaha raźvićcia.
Novaje praviła pačnie dziejničać z 1 studzienia nastupnaha hoda.
