Pra heta ŭ niadzielu zajaviła irakski ministr pa spravach mihracyi i pieramieščanych asob Ajvan Faik, piša TASS.
«Razam z suśvietnaj supolnaściu i mižnarodnymi arhanizacyjami my sočym za situacyjaj [ź irakskimi biežancami ŭ Litvie i Biełarusi]», — adznačyła Faik, słovy jakoj pryvioŭ u niadzielu irakski telekanał Alsumaria.
Irakskija ŭłady, dadała jana, padkreślivajuć «nieabchodnaść prajavy humannaści i hodnaha ŭzajemadziejańnia z usimi irakcami, jakija apynulisia na terytoryi Litvy i Biełarusi, i zabieśpiačeńnia ich usim nieabchodnym dla žyćcia da taho času, pakul nie budzie pryniata rašeńnie nakont (irakskich) biežancaŭ».
Faik pakazała, što Bahdad «padtrymlivaje dobraachvotnaje viartańnie ŭ krainu luboha irakskaha mihranta, a tyja, chto žadaje viarnucca na radzimu, moža źviarnucca naŭprost u Ministerstva [pa spravach mihracyi i pieramieščanych asob] abo ŭ pradstaŭnictva MZS Iraka».
Ministr paćvierdziła, što Irak vystupaje «suprać abmiežavańnia asabistaj svabody hramadzian i praduchileńnia pajezdak irakcaŭ za miežy krainy», ale nastojvaje na pryniaćci «bolš žorstkich mier dla praduchileńnia nielehalnaj mihracyi».
Zaraz na terytoryi Biełarusi mohuć znachodzicca da 1 tys. nielehalnych mihrantaŭ ź Iraka.
