Fota Wikimedia Commons.
28-hadovy Karł Nasib staŭ pieršym dziejnym hulcom NFŁ u historyi lihi, jaki raskazaŭ pra svaju seksualnuju aryjentacyju, piša The Guardian.
«Ja ŭžo daŭno źbiraŭsia heta zrabić i, narešcie, adčuvaju palohku, vyzvaliŭšysia ad hetaha ciažaru», — skazaŭ futbalist u apublikavanym u instahramie videa.
Paśla zajavy Karła Nasiba jaho padtrymali treniery, inšyja hulcy, siamja i jaho siabry.
Futbalist spadziajecca, što ŭ budučyni praces kaminh-aŭtu bolš nie budzie nieabchodnym.
Taksama Karł Nasib adznačyŭ, što achviaruje 100 tysiač dalaraŭ na prajekt, nakiravany na praduchileńnie samahubstvaŭ siarod moładzi ŁHBT u ZŠA.
28-hadovy Nasib hulaje ŭ jakaści abaroncy i zarablaje bolš za 8 miljonaŭ dalaraŭ za hod.