Ilustracyja Marfy Rabkovaj ad Amnesty International
Nahadajem, kaardynatarka Vałanciorskaj słužby «Viasny», pravaabaronca Marfa Rabkova była zatrymanaja razam z mužam Vadzimam Žaromskim viečaram 17 vieraśnia i dastaŭlenaja ŭ HUBAZiK. U jaje kvatery byŭ praviedzieny pieratrus, vyniataja technika, asabistyja hrošy i rečy. Paźniej Vadzima adpuścili.
Marfie Rabkovaj paviedamili, što jana zatrymanaja ŭ miežach kryminalnaj spravy pa č. 3 art. 293 Kryminalnaha kodeksu. Pa hetym artykule joj i było pradjaŭlena abvinavačvańnie. 11 lutaha Marfie pradjavili novyja abvinavačvańni pa č.3 art.130 KK i č.2 art. 285 KK. Ciapier Marfie pahražaje da 12 hod pazbaŭleńnia voli.
Marfa piša z-za krataŭ, što imkniecca bačyć dobraje va ŭsim. Voś niekatoryja cytaty ź jaje listoŭ:
- Viadoma, ja adčuvaju padtrymku, bieź jaje ŭ mianie b nie było stolki aptymizmu i viery, što ŭsio skončycca dobra. Ludzi pišuć takija ščyryja i ciopłyja słovy ŭ listach, što čytaješ ich i ślozy na vačach navaročvajucca;
- Pieražyvajučy svajo zaklučeńnie z kožnym dniom ja ŭsio bolš i bolš lublu Biełaruś, naš narod, našu pryrodu, historyju i kulturu;
- Što ja zrablu pierš za ŭsio, kali vyjdu — abdymu Vadzima, patelefanuju baćkam, pajedu dadomu, źjem jaječniu, pamyjusia ŭ vańnie, vaźmu kvitok u Homiel i pajedu abdymać baćkoŭ;
- Śnicca mnie roznaje — baćki, dom u Dobrušy, babula, Vadzim, časta śniacca kacianiaty;
- Padtrymlivaju aptymizm i ŭ susiedkach, imknusia bačyć dobraje va ŭsim.
