U vybarach udzielničajuć 21 partyja i čatyry błoki.
Vykonvajučy abaviazki premjer-ministra Armienii Pašynian źjaŭlajecca kandydatam u premjer-ministry ad partyi «Hramadzianski dahavor». Asnoŭnym supiernikam kirujučaj partyi ličycca błok «Ajastan» («Armienija»), jaki ŭznačalvaje były prezident Armienii, pradstaŭnik «karabachskaha kłana» Robiert Kačaran, jakoha aktyŭna padtrymlivaje Rasija. Zaraz Kačaran pracuje dyrektaram rasijskaj inviestycyjnaj hrupy AFK «Sistema».
Daterminovyja vybary prachodziać na fonie zaciažnoha palityčnaha kryzisu ŭ krainie, abumoŭlenaha rasčaravańniem paśla paražeńnia ŭ vajnie za Karabach vosieńniu 2020 hoda. Na hetych vybarach Rasija moža ŭziać revanš paśla revalucyi 2018 hoda i pryvieści da pieramohi ŭ Armienii prychilnikaŭ prarasijskaha kursu. Ciapierašni premjer Pašynian staraŭsia zachavać šmatviektarnuju palityku i padtrymlivać adnosiny ź jeŭrapiejskimi krainami.
