Aŭtapartret Pjetra Biełoci.
Niamieckaja palicyja rasśleduje vypadak, jaki zdaryŭsia u minułym miesiacy u centralnaj Hiermanii kala horada Arenbach. Tady ŭ śmiećcievym kantejniery, što stajaŭ kala aŭtabana na prypynku dla adpačynku, znajšli dźvie karciny 17 stahodździa.
64-hadovy mužčyna, jaki znajšoŭ karciny, pieradaŭ ich palicyi. Zhodna ź pieršymi acenkami ekśpiertaŭ, znojdzienyja tvory — aryhinały, piša Guardian.
Adna z karcin — aŭtapartret italjanskaha mastaka Pjetra Biełoci (1627-1700), jaki datujecca 1665 hodam. Pra hetaha tvorcu zachavałasia nie nadta šmat źviestak, ale, nakolki viadoma, jon vykonvaŭ pracu dla bahatych siemjaŭ u Vieniecyi i dla kiraŭnika Miłana.
Samiuel van Chahstraten. Partret chłopčyka.
Druhi tvor — partret chłopčyka aŭtarstva niderłandskaha mastaka Samiuela van Chahstratena (1627-1678), data stvareńnia karciny nieviadomaja. Chahstraten vučyŭsia ŭ Rembranta, jon najbolš viadomy praz svaje ekśpierymienty ź pierśpiektyvaj.
Heta nie pieršy vypadak, kali ŭ Hiermanii znachodziać źnikłyja tvory mastactva. Naprykład, u 2006 hodzie na hary doma praz 30 hod paśla źniknieńnia była znojdzienaja karcina niamieckaha ekspresijanista Emila Nolde. U 2010 hodzie u Bierlinie znajšli tvor Karavadža, skradzieny za dva hady tamu ŭ Adesie.