Andrej Plasanaŭ — viadomy biełaruski muzyka, mastak i kinarežysior, člen Mižnarodnaj Hildyi Žyvapiscaŭ. Naradziŭsia ŭ Minsku ŭ 1948 hodzie. C 1975 pa 1980 vučyŭsia ŭ Biełaruskim dziaržaŭnym teatralna-mastackim instytucie na adździaleńni režysury (ciapier Biełaruskaja dziaržaŭnaja akademija mastactvaŭ). Andrej Plasanaŭ viadomy z kanca 80-ch hadoŭ jak aktyŭny arhanizatar takich značnych dla historyi biełaruskaha avanhardu vystaŭ, jak «Na Kalektarnaj» (1987 h.); «Pierśpiektyva» (1987 h); respublikanskaja vystaŭka «Panarama» (1989 h); «Skarbnica biełaruskaha avanhardu» (1989 h.); «My ź Minska» (1997 h.); «Naša kalekcyja» (1999 h.), «Biełaruski avanhard 1980-1990-ch hh.» (Muziej sučasnaha vyjaŭlenčaha mastactva, 2010h.), a taksama ŭładalnik adnoj z najbolš značnych kalekcyj žyvapisu biełaruskich mastakoŭ-avanhardystaŭ, jakaja siońnia naličvaje bolš za tysiaču rabot.
