«Nijakaj «hienprakuratury ŁNR» nie moža być pa vyznačeńni. Faktyčny kantrol na časova akupavanych terytoryjach u Łuhanskaj vobłaści ažyćciaŭlaje akupacyjnaja administracyja Rasijskaj Fiederacyi. Paviedamleńnie ab praviadzieńni «śledčych dziejańniaŭ» u Biełarusi varta razhladać u kantekście sprobaŭ RF dać padnačalenym joj niezakonnym hrupoŭkam choć niejkuju psieŭdasubjektnaść. Heta tolki paćviardžaje, što apieracyja z prymusovaj pasadkaj samalota Ryanair i zatrymańniem Ramana Pratasieviča razyhranaja pavodle rasijskaha scenaru. Rasija nie hublaje šaniec pazbavić Biełaruś suvierenitetu i maksimalna zaciahnuć jaje ŭ svoj hieapalityčny paradak dnia», — havorycca ŭ paviedamleńni.
Nikalenka adznačyŭ, što pa daručeńni ministra zamiežnych spraŭ Ukrainy Dźmitryja Kuleby pasolstva Ukrainy ŭ Minsku źviarnułasia da Biełarusi pa tłumačeńni.
