Curan adznačyŭ, što letaś aktyŭna abmiarkoŭvałasia budaŭnictva novaha stacyjanara ŭ stalicy. Sprava ŭ tym, što 10-ja balnica była ŭviedziena ŭ ekspłuatacyju kala 30 hadoŭ tamu, z toj pary dadatkovych padobnych ustanoŭ achovy zdaroŭja ŭ Minsku nie źjaŭlałasia. A voś nasielnictva horada vyrasła prykmietna — z 1,5 młn bolš čym da 2 młn čałaviek.
— Uźvieści novuju balnicu — heta nie prosta pabudavać budynak, ale i abstalavać jaho. Nieabchodna, kab jon byŭ maksimalna funkcyjanalnym. Pa našych raźlikach, vydatki na budaŭnictva balnicy dasiahnuć sumy 1 młrd rubloŭ. Heta prykładna piataja častka hadavoha biudžetu stalicy. Takoje my dazvolić sabie prosta nie možam, — reziumavaŭ Curan.
Jon taksama akcentavaŭ uvahu na kadravym pytańni.
— Stvoranaja z nula balnica zapatrabuje niekalkich sotniaŭ śpiecyjalistaŭ miedycynskaha profilu. Jašče da ich treba dadać kolkaść absłuhovaha piersanału. Takim čynam, ahulnaja kolkaść rabotnikaŭ dasiahnie prykładna tysiačy čałaviek. A deficytu vakansij u Minsku ciapier niama.
