president.gov.ua
Pra vučeńni «Zachad-2021» Zialenski zhadaŭ, adkazvajučy na pytańnie zamiežnych žurnalistaŭ ab pryčynach vajskovaj eskałacyi kala ŭkrainskich miežaŭ viasnoj i nastojvańni Rasii na viadzieńni pramych pieramovaŭ Ukrainy z pradstaŭnikami tak zvanych «narodnych respublik».
«Viartajučysia da Rasii, jany kažuć: «My tut pry čym? Vy razmaŭlajcie z hetymi tavaryšami z «DNR/ŁNR». Tady pytańnie: a «Zachad-2021» [sumiesnyja vajskovyja vučeńni Rasii i Biełarusi], vučeńni, jakija vy budziecie vieści — nie ŁDNR, nie ARDŁA, heta ž vy [Rasija] pravodzicie. Tady skažycie mnie, a čamu tut — pa toj infarmacyi, jakuju my atrymlivajem — adpracoŭvajucca varyjanty mahčymaha zachopu Kijeva, Adesy, Charkava? Prosta ździŭlaješsia, jak možna voś tak kazać adno, a rabić inšaje», — skazaŭ Zialenski.
— Ciapier situacyja bolš-mienš spakojnaja, jak my adsiul bačym. Nie čakajecie niejkuju eskałacyju u najbližejšy čas? I kali?
— Na vialiki žal, my pavinny čakać uskładnieńni i być hatovymi da ich kožny dzień. Ale ja nie liču, što heta budzie. Imaviernaść pravakacyj jość, u pryvatnaści, u siaredzinie vieraśnia, kali budzie «Zachad-2021».
«I ŭsio ž ja liču, što ŭ poŭnamaštabnaj vajnie Rasijskaja Fiederacyja nie zacikaŭlenaja», — dadaŭ Zialenski.
