Abituryjenty pry zdačy centralizavanaha teściravańnia zmohuć vypravić čatyry pamyłki. Adpaviednuju pastanovu Savieta Ministraŭ Biełarusi ad 9 červienia 2021 h. № 316 apublikavali na Nacyjanalnym pravavym internet-partale.
Taksama hety dakumient unosić źmieny ŭ paniaćci «baza danych abituryjentaŭ» i paradak vydačy siertyfikata.
Ź istotnaha: siertyfikat CT zaraz nie atrymaješ, kali nie maješ atestata abo dypłoma ab adukacyi.
Ustanovam adukacyi, na bazie jakich pravodzicca CT, nieabchodna pradastaŭlać u Respublikanski instytut kantrolu viedaŭ schiemy numaracyi miescaŭ dla abituryjentaŭ u aŭdytoryi z ukazańniem ich kolkaści ŭ kožnaj. Udakładnili i patrabavańni da aŭdytoryj, u jakich płanujecca praviadzieńnie testavańnia.
Akramia hetaha, ciapier u vypadku, kali abituryjent nie moža pa ŭvažlivaj pryčynie samastojna padać na rehistracyju dla ŭdziełu ŭ CT dakumienty, heta mohuć zrabić zakonnyja pradstaŭniki niepaŭnaletnich abituryjentaŭ.
Nahadajem, CT startuje ŭ Biełarusi z 16 červienia — u hety dzień abituryjenty buduć zdavać testy pa biełaruskaj movie. Zavieršycca jano 8 lipienia vyprabavańniem pa suśvietnaj historyi.
Propuski dla ŭdziełu ŭ centralizavanym teściravańni sioleta buduć vydavać da 15 červienia.