Siońnia Śviatłana Cichanoŭskaja sustrełasia z prezidentam Čechii Miłašam Ziemanam. Jon pačaŭ sustreču sa słoŭ zachapleńnia i padtrymki biełarusam, jakija zmahajucca za svaju svabodu. Prezident Čechii adznačyŭ, što Biełaruś — heta adzinaje pytańnie, jakoje abjadnoŭvaje ŭsie palityčnyja siły Čechii, i vykazaŭ hatoŭnaść dapamahać.
Śviatłana Cichanoŭskaja raspaviała Miłašu Ziemanu pra los palitviaźnia Mikałaja Statkieviča, jakoha jon naviedvaŭ u Minsku ŭ 2002 hodzie.
«My ŭdziačnyja Čechii i ŭsioj mižnarodnaj supolnaści za padtrymku biełaruskaha naroda ŭ jaho baraćbie za demakratyju, ale całkam razumiejem, što heta, pierš za ŭsio, zadača samich biełarusaŭ», — padkreśliła Cichanoŭskaja.
Padčas vizitu jašče zapłanavanyja sustrečy Śviatłany Cichanoŭskaj z premjer-ministram, ministram zamiežnych spraŭ i śpikieram nižniaj pałaty parłamienta Čechii.