Viktar Šałkievič (źleva) i Juryj Miańko (sprava). Fota: «Tvoj styl»
Akcior Teatra lalek Juryj Miańko pamior 6 červienia na 59-m hodzie žyćcia. Pra heta trupie paviedamiła žonka akciora, piša hrodna.life.
«Ciažka pavieryć, što heta zdaryłasia. Heta navina stała ciažkim udaram… Ci varta havaryć ab tym, jakim akcioram jon byŭ? Peŭna ŭsie pamiatajuć jaho na scenie, asabliva ŭ śpiektaklach «Tutejšyja» i «Mahičnaje lustra pana Tvardoŭskaha», — napisali kalehi ŭ Instagram.
***
Juryj Miańko naradziŭsia 23 žniŭnia 1962 hoda ŭ vioscy Siamionaŭka Bierastavickaha rajona. U 1985 hodzie skončyŭ Biełaruski teatralna-mastacki instytut pa śpiecyjalnaści akcior teatra lalek. U tym ža hodzie raspačaŭ pracu ŭ abłasnym teatry lalek u Hrodnie. Hraŭ u śpiektaklach: «Tutejšyja», «Tajamnica Śniežnaj karalevy», «Čyrvony kapialušyk», «Załaty klučyk», «Mahičnaje lustra pana Tvardoŭskaha» i inšych.
