Jak paviedamlaje MZS Litvy, na pamiežnym pierachodzie Miedzininkaj biełaruskija pamiežniki zapatrabavali sarvać dypłamatyčnyja płomby i adkryć aŭtamabil. Pakolki litoŭskija dypłamatyčnyja kurjery nie pahadzilisia vykanać hetaje patrabavańnie, aŭtamabil byŭ vymušany raźviarnucca i viarnucca na terytoryju Litvy.
«Zatrymańnie aŭtamabila, što pieravoziŭ dypłamatyčnuju poštu, la dziaržaŭnaj miažy hruba parušaje Vienskuju kanviencyju ab dypłamatyčnych znosinach. Biełaruś jašče raz prademanstravała, što dla hetaj dziaržavy nie isnuje praviłaŭ cyvilizavanaha śvietu. Heta lutaja ŭ centry Jeŭropy dyktatura», — kaža ministr zamiežnych spraŭ Litvy Habryelus Łandśbierhis.
Zhodna ź Vienskaj kanviencyjaj, dyppošta nie moža być adkryta abo zatrymanaja, a dypkurjeru pry vykanańni abaviazkaŭ pradastaŭlajecca achova prymajučaha boku. Jon karystajecca niedatykalnaściu i nie moža być zatrymany abo ŭtrymlivacca pad vartaj ni pad jakoj padstavaj.
