«Ja nie ŭpeŭnieny, što na źmiest čaćviortaha pakieta sankcyj ES paŭpłyvaje toje, što adbyvajecca ciapier u Biełarusi, u pryvatnaści sprava Tut.by. Takija pakiety zvyčajna zaćviardžajucca doŭha, miarkuju, što jon užo navat hatovy. Ale imavierna, što adrazu ž pačnuć rychtavać piaty pakiet sankcyj, — miarkuje dyrektar prahramy «Uschodniaha partniorstva» ES i Rasii ŭ Finskim instytucie mižnarodnych adnosin Arkadź Mošes. — Mnie zdajecca, što staŭleńnie ES pačynaje mianiacca».
Voś tezisy jaho mierkavańniaŭ, vykazanych u intervju «Radyjo Svaboda».
Jeŭrasajuz vielmi doŭha čakaŭ, vielmi doŭha tłumačyŭ, čamu jon nievialikija kroki ŭ sankcyjnaj palitycy vydavaŭ za hihanckija dasiahnieńni.
Isnuje «čyrvonaja linija», pierajšoŭšy jakuju režym užo nie zmoža viarnucca ŭ papiaredni stan.
Navat zimoj niejkija madalnaści dyjałohu Minska ź ES jašče isnavali. Prychilniki hetaha ŭ ES zastajucca, ale ich robicca mienš i im ciažej arhumientavać svoj punkt hledžańnia.
Machavik represijaŭ, jaki raskručvajecca ŭ Biełarusi, u Jeŭropie pačynaje ŭsprymacca nie tolki jak kliše.
Tyja siły ŭ ES, jakija vystupajuć za ŭzmacnieńnie sankcyj, atrymali vielmi surjoznuju dadatkovuju arhumientacyju.
Žurnalisckaja supolnaść upłyvovaja ŭ Jeŭropie, i jana siońnia budzie vykazvać salidarnaść ź biełaruskimi žurnalistami i nadavać bolšuju, čym raniej, uvahu padziejam u Biełarusi.
Na Zachadzie prysłuchoŭvajucca da papiaredžańnia Makieja, što ŭ adkaz na ŭzmacnieńnie sankcyj hramadzianskaja supolnaść u Biełarusi budzie źniščanaja.
Hety arhumient možna pieraviarnuć i skazać, što sankcyi pavinnyja być takimi mocnymi, kab adbić u Minska achvotu cisnuć na hramadzianskuju supolnaść.
Ale ciažka skazać, chto pieramahaje ŭ sprečkach nakont reakcyi na hetuju pahrozu.
Hety arhumient hučyć na analityčnych abmierkavańniach u Jeŭropie.
Ciapier na hetych abmierkavańniach mienš hučyć arhumient nakont taho, što cisk Zachadu moža padšturchnuć Łukašenku da bolš ščylnaha zbližeńnia z Rasijaj, u tym liku i ŭ vajskovaj śfiery.
Na siońniašni dzień praces vypracoŭki sankcyj nie palityčny, a biurakratyčny.
Toje, što ambasadarka ZŠA Fišer nie jedzie ŭ Miensk, heta surjozny indykatar. I sankcyi amierykanskija bolš surjoznyja, čym jeŭrapiejskija, a ŭ budučyni buduć rabicca jašče bolš surjoznymi. Pazicyja ZŠA bolš pryncypovaja, ale jany nie hatovyja być lidaram u vypracoŭcy zachodniaj palityki adnosna Biełarusi. Jany ličać, što heta jeŭrapiejskaje pytańnie, i Jeŭropa musić za jaho nieści adkaznaść. A Jeŭropa jaje nieści nie choča.
Amierykancaŭ, pa sutnaści, cikavić adno — kab u Biełarusi nie było novych rasijskich vajskovych baz. Hetamu jany buduć supraćdziejničać.
