Žudasnaja trahiedyja adbyłasia 21 maja ŭ ahraharadku Hłuškavičy Lelčyckaha rajona. Kali prybyli pažarnyja, pałychali dom i dźvie prybudovy. 28-hadovaja haspadynia doma žyła tut z dvuma dziećmi: synami 11 i 6 hadoŭ, paviedamlaje MNS.
Susiedzi raspaviali, što kali pačaŭsia pažar, haspadynia doma była na vulicy. Jana vyjšła paviesić sušycca bializnu paśla myćcia, u domie zastaŭsia jaje małodšy syn, na vierandzie pracavała pralnaja mašyna. Kali žančyna ŭbačyła, što dom haryć, unutr zajści ŭžo nie zmahła. Starejšy syn haspadyni ŭ hety čas byŭ u babuli, jakaja žyvie niepadalok.
U domie ratavalniki znajšli cieła chłopčyka.
Miarkujecca, što pažar moh pačacca praź dziciačyja hulni z ahniom albo praz parušeńnie praviłaŭ ekspłuatacyi elektrasietak i elektraabstalavańnia.
