Pacyjent pastupiŭ u vałožynskuju balnicu 9 maja. Karanavirusa ŭ jaho nie było, piša Młyn.
«Piensijanier znachodziŭsia ŭ terapieŭtyčnym adździaleńni, pastajanna byŭ pad nahladam miedykaŭ. Surjoznych paharšeńniaŭ stanu zdaroŭja jon nie mieŭ. Prachodziŭ kurs lačeńnia», — raspavioŭ namieśnik staršyni Vałožynskaha rajvykankama Ihar Šakun.
Pa jaho słovach, sprobaŭ suicydu ŭ mužčyny raniej nie było. Abstanoŭka ŭ siamji taksama była narmalnaj.
«U jaho jość dačka, jana kožny dzień naviedvała jaho ŭ balnicy. Jon byŭ pavažanym čałaviekam u horadzie, siamja ŭ jaho ŭzornaja. Spačatku pracavaŭ kiroŭcam aŭtobusa, paśla hetaha kala 30 hadoŭ pracavaŭ u Vałožynskaj rajahrapramtechnicy», — raspavioŭ Ihar Šakun.
Narakańniaŭ na lačeńnie i piersanał u piensijaniera nie było. Śmierć nastupiła na vačach u susieda pa pałacie ad nažavoha ranieńnia ŭ sercy.
