U minułym tury «Šachcior» akazaŭsia macniejšym za BATE i pavialičyŭ adryŭ ad kankurentaŭ da siami bałaŭ. Usio vyrašyła pieravaha ŭ vyhladzie Demba Darbo: salihorski hambijec ź ničoha stvaryŭ hoł-šedeŭr, jaki tak i zastaŭsia adzinym u matčy.
Padobna, što siońniašni BATE nie zdolny naroŭni kankuryravać z «Šachcioram». Barysaŭcy zastajucca adnymi ź lidaraŭ ajčynnaha futboła, ale hetaha mała dla taho, kab viarnuć tytuł čempijona. Zastajecca čakać, što salihorcaŭ spynić prahmatyčnaje minskaje «Dynama», jakomu paraza BATE dazvoliła padniacca na druhoje miesca. Sustreča kamand Kučuka i Hryharčuka adbudziecca ŭ dziasiatym tury. Čakać zastałosia niadoŭha.
TURNIRNAJA TABLICA
Sioleta paŭtarajecca turnirnaja situacyja 2018 hoda. Tady BATE z Aleham Dułubam na čale taksama vydaŭ 8 pieramoh zapar, u vośmym tury vyjhraŭšy ŭ minskaha «Dynama», jakoje išło druhim. Paśla, praŭda, barysaŭcy pačali hublać bały, što kaštavała pracy trenieru, ale ŭ vyniku BATE vyjhrała apošniaje dla siabie čempijonstva z 9-balnym adryvam.
Z astatnich matčaŭ vośmaha tura adznačym pieršuju pieramohu «Niomana», treciuju zapar ničyju bresckaha «Dynama», a taksama praryŭ «Viciebska», jaki za adnu hulniu zabiŭ bolš, čym za papiarednija siem matčaŭ i na paru z «Minskam» vydaŭ zvyšhalavuju ničyju-tryler.
Fota: FK «Minsk»
- «Smarhoń» — «Nioman» 0:2 (54, Zubovič; 84, Džyhiera)
- «Homiel» — «Słuck» 4:1 (6, Homza; 46, A. Vasiljeŭ; 65, Pabudziej; 77, An. Sałaviej — 39 (p), Sasin)
- «Ruch» — «Spadarožnik» 2:0 (15, Sadoŭski; 32, Piačenin)
- «Minsk» — «Viciebsk» 3:3 (35, Šramčanka; 67, Łopies; 80, K. Zinovič — 23, 90+4, Žulia Sezar; 34, Dyjeha Santas)
- «Słavija» — «Dynama-Brest» 1:1 (90+3, Mielnikaŭ — 57, Bieleńki)
- «Enierhietyk-BDU» — «Tarpieda-BiełAZ» 1:1 (22, Judčyc — 20, Ojia)
- «Isłač» — «Dynama-Minsk» 1:3 (5, Marozaŭ — 9, Mbienh; 37, Łožkin; 90+5, Davyskiba)
- «Šachcior» — BATE 1:0 (20, Darbo)
Viartajučysia da adnoj z tem papiarednaha anonsu, «Spadarožnikam» u matčy ŭ Breście kiravaŭ nie Viačasłaŭ Laŭčuk. Novym koŭčam kamandy z Rečycy staŭ rasijski trenier Viktar Kumykoŭ, jaki raniej pieravažna pracavaŭ u Kazachstanie i va Uźbiekistanie. Adnak u kłubie nijak nie kamientujuć trenierskuju rakiroŭku.
A ciapier da matčaŭ dziaviataha tura.
«Spadarožnik» — «Słavija»
- 14.05, 18:00. Mahiloŭ, stadyjon «Spartak»
- Kaeficyjenty: «Spadarožnik» (pieramoha) — 4.30; ničyja — 3.50; «Słavija» (pieramoha) — 1.78.
Hulnia kamand z haradoŭ Homielščyny adbudziecca ŭ Mahilovie. Stadyjon u Rečycy nie hatovy da vyšejšaj lihi, i nieviadoma, ci zhulaje naohuł «Spadarožnik» u hetym hodzie na chatnim poli. Pra heta pres-słužba kłuba taksama nie paviedamlaje.
Što tyčycca «Słavii», to kamanda Marcinoviča zmahła vyrvać ničyju ŭ kampiensavany čas hulni z bresckim «Dynama». Padobna, futbolnaja karma pačynaje viartać daŭhi za parazy ŭ pieršych turach, kali mazyrčuki prapuskali ŭ kancoŭkach matčaŭ.
«Dynama-Minsk» — «Smarhoń»
- 14.05, 20:00. Minsk, stadyjon «Dynama»
- Kaeficyjenty: «Dynama» (pieramoha) — 1.162; ničyja — 6.50; «Smarhoń» (pieramoha) — 14.75.
Minskaje «Dynama» ŭžo druhoje ŭ tablicy. Kamanda Kučuka na starcie čempijanatu zhubiła bolš, čym mahła sabie dazvolić, tamu ciapier u «bieła-sinich» prava na pamyłku niama. Tym bolš uličvajučy fienamienalny chod «Šachciora».
Hulcoŭ «Smarhoni» čakaje važnaja padzieja ŭ karjery — hulnia na najvialikšym stadyjonie krainy. Na «Dynama» nie chočacca ŭdaryć u hraź tvaram, ale ŭ haściej bukmiekiery nie vierać zusim.
«Nioman» — «Šachcior»
- 15.05, 14:30. Hrodna, CSK «Nioman»
- Kaeficyjenty: «Nioman» (pieramoha) — 4.95; ničyja — 3.70; «Šachcior» (pieramoha) — 1.64.
Antykryzisnaja sieryja «Niomana» ryzykuje skončycca na druhim matčy, bo ŭ Hrodna jedzie čempijon krainy. Ale nie ŭsio tak prosta: salihorcy z haradziencami sioleta ŭžo hulali ŭ čverćfinale kubka. I «Šachcior» u Hrodnie jakraz prajhraŭ, prajšoŭšy ŭ nastupny raz tolki dziakujučy bujniejšaj chatniaj pieramozie.
Letaś ža abodva matčy ŭ čempijanacie skončylisia biezhalavymi ničyimi, tamu za «Nioman» buduć zaŭzieć usie kankurenty salihorcaŭ za čempijonstva.
«Viciebsk» — «Enierhietyk-BDU»
- 15.05, 16:30. CSK FK «Viciebsk»
- Kaeficyjenty: «Viciebsk» (pieramoha) — 2.33; ničyja — 3.125; «Enierhietyk» (pieramoha) — 3.02.
U subotu ŭ Viciebsku sustrenucca kamandy, ad jakich zimoj čakali bolšaha. Ale pakul jak jość: navat šeść hałoŭ u minułym tury nie pazbavili «Viciebska» statusu samaj nievidoviščnaj kamandy lihi, a dziorzkaść «studentaŭ» zastajecca nastalhičnym uspaminam.
Ale, jak pakazaŭ matč na «Traktary», usio mahčyma, tamu nie vyklučajem novych siensacyj.
«Tarpieda-BiełAZ» — «Isłač»
- 15.05, 18:30. Žodzina, stadyjon «Tarpieda»
- Kaeficyjenty: «Tarpieda» (pieramoha) — 1.82; ničyja — 3.70; «Isłač» (pieramoha) — 3.82.
Siezon «Tarpieda-BiełAZ» praciahvaje nahadvać amierykanskija horki. Pieramohu ŭ siomym tury z najlepšymi pakazčykami zamacavać nie ŭdałosia — tolki ničyja ŭ matčy z «Enierhietykam». A lidary, tym časam, usio dalej.
Najbližejšyja tydni «vaŭki» buduć pražyvać u režymie padrychtoŭki da finału Kubka, trenierskamu štabu važna zachavać kancentracyju hulcoŭ i na matčy čempijanatu. U «Isłačy», tym časam, jašče nie było nivodnaj ničyjej: paroŭnu pieramoh i paraz.
BATE — «Ruch»
- 15.05, 20:30. «Barysaŭ-Arena»
- Kaeficyjenty: BATE (pieramoha) — 1.65; ničyja — 3.94; «Ruch» (pieramoha) — 4.50.
U pieršym matčy siezona na «Barysaŭ-Arenie» da BATE ŭ hości pryjedzie kamanda byłoha treniera barysaŭcaŭ. Chtości, mahčyma, čakaŭ ad karjery Kiryły Alšeŭskaha ŭ «Ruchu» bolšaha, ale bieraściejcy, jakich čaściej krytykujuć, čym chvalać, usiaho na dva bały adstajuć ad BATE. Sami razumiejecie, da jakich turnirnych rakirovak pryviadzie pieramoha haściej.
«Słuck» — «Minsk»
- 16.05, 16:30. Słuck, stadyjon «Haradski»
- Kaeficyjenty: «Słuck» (pieramoha) — 2.22; ničyja — 3.36; «Minsk» (pieramoha) — 3.00.
Słuččaki davoli dobra hulajuć doma, ale ŭ niadzielu «Słuck» upieršyniu zhulaje na chatnim naturalnym hazonie. I ci atrymajecca hetak ža stabilna zdabyvać turnirnyja bały, jak i na sintetycy?
U «Minska» kadravyja prablemy i adsutnaść asnoŭnaha bramnika pačała adbivacca na turnirnym stanoviščy. U apošnich troch turach byŭ zdabyty tolki adzin turnirny bał, a kamanda prapuściła ažno vosiem miačoŭ. Tamu niadziŭna, što šancy «Słucka» bukmiekiery aceńvajuć vyšej.
«Dynama-Brest» — «Homiel»
- 16.05, 20:30. ASK «Brescki»
- Kaeficyjenty: «Dynama» (pieramoha) — 2.92; ničyja — 3.22; «Homiel» (pieramoha) — 2.34.
Tur skončycca ŭ niadzielu ŭ Breście, dzie sustrenucca dźvie kamandy, što stali adkryćciom siezona. «Dynama», praŭda, try tury nie moža vyjhrać, ale bieraściejcy na paru z «Šachcioram» — adzinyja, chto nie viedaje paraz u čempijanacie.
«Homiel» rychtujecca da hulni ŭ Breście. Fota: FK «Homiel»
U Breście «Dynama» vystajała i suprać BATE, i suprać minskich adnakłubnikaŭ. Tamu «Homiel» čakaje składany, daloki vyjezd, ź jakoha viarnucca navat z adnym bałam, miarkujem, budzie niabłaha.
Bukmiekierskaja kantora Marafon prapanuje novym klijentam BONUS 10 rub «Biasprojhryšnaja pieršaja staŭka» pa promakodu 10BYN pry rehictracyi na sajcie marathonbet.by.
Heta vydatnaja mahčymaść zrabić prahlad matča lubimaj kamandy jašče bolš zachaplalnym! Usie detali bonusnaj prapanovy čytajcie tut.
Marafonbiet źjaŭlajecca najbujniejšym bukmiekieram u Biełarusi pa kolkaści kas (Licenzija № 33120/171, vydadzienaja MPZ RB) i pradstaŭleny ŭ 21 horadzie krainy.
Śpis adrasoŭ kas
