Viačasłava zatrymali kala 20:30 12 maja ŭ jahonym domie. Na mužčynu skłali adrazu dva pratakoły pa art. 24.23 KaAP: za pikietavańnie «šlacham raźmiaščeńnia tapka ŭ BČB-rasfarboŭcy na parkovačnaj pałasie aŭtamabila» i za «raźmiaščeńnie BČB-ściaha z vyjavaj hierba «Pahonia» na aknie».
Pa słovach Viačasłava, tapak pieršapačatkova byŭ ružovaha koleru, ale dziela śmiechu jon vyrašyŭ namalavać na im biełuju pałasu. Mužčyna patłumačyŭ, što tapak prymacavaŭ na mašynu kala hoda tamu, kab nie ŭdaracca nahoj. A BČB-ściah Viačasłaŭ źniaŭ z akna ŭžo daŭno i paviesiŭ jaho na ścianu ŭnutry doma, tamu na aknie ničoha nie visieła.
Minčuk paprasiŭ sudździu Minskaha rajona Kropačava nie karać jaho aryštam, bo jon zaraz prachodzić padrychtoŭku da apieracyi ŭ RNPC ankałohii. Ale sudździa Kropačaŭ paličyŭ vinu mužčyny całkam dakazanaj i aryštavaŭ jaho pa dvuch pratakołach na 15 sutak. Pa rašeńni suda tapak i ściah buduć źniščany.
