Nacyjanalnaje ŭpraŭleńnie ZŠA pa aeranaŭtycy i daśledavańni kaśmičnaj prastory (NASA) papiaredziła ab nabližeńni da Ziamli asteroida dyjamietram ad 88 da 200 m.
Jak paviedamlajecca na sajcie Centra daśledavańniaŭ abjektaŭ kalaziamnoj prastory (CNEOS) NASA, 14 maja niabiesnaje cieła, jakoje atrymała nazvu 2015 KJ19, čyje pamiery supastaŭnyja z vyšynioj amierykanskaha simvała — Statui Svabody, kala 13:04 nablizicca na adlehłaść u 5,77 młn km da našaj płaniety, što bolš jak u 15 razoŭ pieravyšaje dystancyju ad Ziamli da Miesiaca. Chutkaść palotu asteroida składaje kala 83 tys. km/h.
Śpiecyjalisty CNEOS nie ličać niabiesnaje cieła niebiaśpiečnym dla našaj płaniety. U cełym, u NASA nie razhladajuć abjekty, što majuć dyjamietr, mienšy za 152 m, abo pralatajuć na adlehłaści bolš za 7,55 młn km jak patencyjna niebiaśpiečnyja.
Nastupnaje zbližeńnie ź Ziamloj asteroidaŭ, supastaŭnych pa pamierach z 2015 KJ19, adbudziecca 27 maja i 1 lipienia. Adnak, pavodle navukoŭcaŭ, jany taksama pralaciać mima.
