Fota Nadziei Bužan.
Heta Maryja Kalenik, Ksienija Syramałot, Kasia Budźko, Jana Arabiejka, Jahor Kaniecki, Hleb Ficner, Illa Trachtenbierh, Viktoryja Hrankoŭskaja, Nastaśsia Bułybienka, Taćciana Jakielčyk, a taksama vykładčyca BDUIR Volha Fiłatčankava i vypusknica BDMU, siabra Kaardynacyjnaj rady, pradstaŭnica Śviatłany Cichanoŭskaj pa spravach moładzi i studentaŭ Ałana Hiebremaryjam.
Ich usich abvinavačvajuć (masavyja akcyi prajšli ŭ pačatku vieraśnia) u arhanizacyi dziejańniaŭ, jakija hruba parušajuć hramadski paradak i spałučajucca ź vidavočnym niepadparadkavańniem zakonnym patrabavańniam pradstaŭnikoŭ ułady, što pryviało da parušeńnia pracy ŭstanoŭ i transpartu (častka 1 artykuła 342 KK). Pakarańnie pa artykule praduhledžvaje štraf, aryšt, abmiežavańnie voli na termin da troch hadoŭ abo pazbaŭleńnie voli na taki ž termin.
Raniej Hienprakuratura paviedamlała, što abvinavačanyja vypracavali płan dla dasiahnieńnia «supraćpraŭnaha vyniku» i prymali miery dla jaho realizacyi z pryciahnieńniem studentaŭ i vykładčykaŭ da ŭdziełu ŭ «supraćpraŭnych dziejańniach»; infarmacyjnaje zabieśpiačeńnie akcyj pratestu dy inš.
Metaj było raspaŭsiudzić «iłžyvuju infarmacyju ab kolkaści pratestoŭcaŭ, spryjać dasiahnieńniu vidavočnaha dla abvinavačanych supraćpraŭnaha vyniku: niepadparadkavańnia zakonnym patrabavańniam administracyi VNU, u jakim pravodzilisia akcyi pratestu».
Dzieviać studentaŭ, a taksama Ałanu Hiebremaryjam i Volhu Fiłatčankovu zatrymali 12 listapada 2020 hoda. Paźniej u listapadzie była zatrymanaja jašče adna studentka miechmata BDU.
100-balnica, mastačka, starasta hrupy. Chto tyja studentki-palitviaźni, jakich dziaržava kinuła na Vaładarku
