U jakaści dokazu byŭ apublikavany skrynšot videa pad nazvaj «Moŝnaja rieč Łukašienko na Paradie Pobiedy 2021 v Minskie!».
Prablema ŭ tym, što pošuk pa jutubie nie znachodzić videa z ukazanaj nazvaj i kolkaściu prahladaŭ.
Na jutubie znachodziacca videa z anałahičnaj nazvaj, ale kolkaść prahladaŭ na ich mizernaja.
Isnujuć padobnyja videa na dziaržaŭnych jutub-kanałach, ale i tam kolkaść prahladaŭ na paradki nižejšaja. Dy i nazvy videa tam inšyja.
U čym ža reč? Akazałasia, što ŭ pieršapačatkovaj viersii paviedamleńnia na «Pule pieršaha» ŭsio ž była realnaja spasyłka na videa.
Jano znachodziłasia na rasijskim śmiećcievym kanale «Politika siehodnia: Rośsija SŠA Ukraina». Adnak ciapier hetaje videa niedastupnaje.
Na hetym jutub-kanale publikujuć prapahandysckija padborki na palityčnuju tematyku z žoŭtymi zahałoŭkami.
