U Novaj Ziełandyi sprabujuć źniščyć vožykaŭ, zaviezienych u krainu brytanskimi kałanizatarami šmat hadoŭ tamu. Pra heta piša «Źviazda» sa spasyłkaj na knife.media.
Papulacyja vožykaŭ vyrasła ŭ niekalki razoŭ z-za adsutnaści drapiežnikaŭ. Ciapier jany źniščajuć miascovuju fłoru i faŭnu. Pa padlikach ekśpiertaŭ, za sutki adzin vožyk moža źjeści da 60 redkich cvyrkunoŭ-ueta.
«Naplavaŭšy na charčovy łancužok, jany ščaśliva błukajuć pa lasach i sadach, źjadajučy nievierahodnuju kolkaść miascovych istot», — raskazvajuć jany.
Ułady sprabujuć źniščyć žyvioł šlacham adłovu, palavańnia i atručvańnia, ale mała chto ź miascovych žycharoŭ zhodny ź imi, bo vožyki vyhladajuć biaskryŭdna.
Niekatoryja navukoŭcy prapanujuć adłavić vožykaŭ i adpravić nazad u Vialikabrytaniju, dzie za ich pravy zmahajucca aktyvisty.
