Fota pixabay.com
Usio heta — napoi ź vialikaj kolkaściu kafieinu. Jak ich užyvańnie ŭpłyvaje na jakaść snu i naša zdaroŭje? Pra heta žurnalisty CNN pahutaryli z Robam van Damam, daśledčykam z Nacyjanalnaha ŭniviersiteta Sinhapura.
Na dumku van Dama, roznyja ludzi pa-roznamu reahujuć na kafiein. Kali ŭ čałavieka pačynajecca tremar, jon raptoŭna pačynaje niervavacca abo jaho puls niečakana źmianiajecca, heta moža być prykmietaj taho, što čałaviek užyŭ zanadta šmat kafieinu. Viadoma, što ŭ takim vypadku vialikaja kolkaść hetaha rečyva ŭ arhaniźmie budzie pieraškadžać zdarovamu snu. Kab palepšyć son, možna pasprabavać nie ŭžyvać kafiein paśla niejkaha času, naprykład, paśla abiedu.
Zhodna z rekamiendacyjami amierykanskaha Ŭpraŭleńnia pa sanitarnamu nahladu za jakaściu charčovych praduktaŭ i miedykamientaŭ, lepiej za ŭsio ŭžyvać nie bolš za 400 milihramaŭ kafieinu na dzień. Zvyčajnaja 200-mililitrovaja šklanka kavy źmiaščaje kala 100 milihramaŭ kafieinu, to bok pažadana pić nie bolš za čatyry šklanki kavy na dzień. Ale pry hetym varta nie ŭžyvać bolš za 200 milihramaŭ kafieinu za raz.
Dla niekatorych ludziej kafiein moža navat być karysnym — naprykład, dla tych, chto pracuje ŭnačy abo vykonvaje rucinnuju pracu. Ale možna znajści i inšyja krynicy enierhii. Da taho ž, kali vy lubicie smak kavy, ale nie žadajecie ŭžyvać zašmat kafieinu, pasprabujcie dekafieinizavanuju kavu — dekaf.
Isnuje šmat mifaŭ pra ŭpłyŭ kafieinu na zdaroŭje ŭ daŭhaterminovaj pierśpiektyvie, u tym liku pra toje, ci pavyšaje kafiein ryzyku ankałahičnych i sardečna-sasudzistych chvarob. Ale daśledavańni na heta kont pakazvajuć vielmi aptymistyčnyja rezultaty. Tamu, kali čałaviek užyvaje napoi z kafieinam va ŭmieranaj kolkaści i pry hetym nie maje pabočnych efiektaŭ, nie varta turbavacca pra ŭpłyŭ kafieinu na zdaroŭje.
