«Atłantyčnyja cykłony i ich atmaśfiernyja franty praciahvajuć pastaŭlać na terytoryju Biełarusi ŭsio novyja i novyja porcyi apadkaŭ. Na siońniašni dzień pa zachodniaj pałovie krainy suma apadkaŭ ŭžo dasiahaje 30-40% majskaj normy, a na asobnych mieteastancyjach zarehistravana i da 80% normy apošniaha viasnovaha miesiaca. Daždžy nie spyniacca i ŭ bližejšyja dni», — adznačyli sinoptyki.
U piatnicu, 7 maja, nočču miescami pa krainie projduć nievialikija karotkačasovyja daždžy. Dniom taksama časam čakajucca daždžy, u asobnych rajonach mahčymyja navalnicy. Viecier budzie paŭdniovy, paŭdniova-zachodni ŭmierany, miescami paryvisty. Tempieratura pavietra nočču budzie plus 1-7 hradusaŭ, udzień — 9-15 hradusaŭ ciapła, pa paŭdniovym uschodzie prahnazujecca da plus 18 hradusaŭ.
U subotu, 8 maja, čakajecca vietranaje chaładnavataje nadvorje. Biełaruś apyniecca pad upłyvam cykłona, jaki źmiaščajecca praz poŭnač Biełarusi na Naŭharodskuju vobłaść Rasii. Na bolšaj častcy terytoryi krainy čakajucca karotkačasovyja daždžy. Viecier budzie zachodni, paŭnočna-zachodni, nočču ŭmierany, dniom u mnohich rajonach krainy budzie ŭzmacniacca da mocnaha paryvistaha. Tempieratura pavietra składzie plus 2-9 hradusaŭ. Dniom pavietra prahrejecca da 6-12 hradusaŭ ciapła.
U niadzielu, 9 maja, nadvorje ŭ asnoŭnym budzie vyznačać vobłaść pavyšanaha atmaśfiernaha cisku, sfarmavanaja ŭ chałodnaj pavietranaj masie, budzie pieravažna biez apadkaŭ. Viecier budzie ŭmierany, nočču pa paŭnočnym uschodzie paryvisty. Tempieratura pavietra ŭ načnyja hadziny budzie plus 1-6 hradusaŭ, pry małavobłačnym niebie na hlebie i miescami ŭ pavietry čakajucca zamarazki ad nula da minus 3. U dzionnyja hadziny tempieratura pavietra składzie 11-17 hradusaŭ ciapła.
U pačatku nastupnaha tydnia nadvorje źmienicca. U Biełaruś pačnuć pastupać pavietranyja masy z poŭdnia Jeŭropy i ŭstalujecca ciopłaje nadvorje, abiacajuć sinoptyki.
U paniadziełak, 10 maja, pry pavyšanym fonie atmaśfiernaha cisku istotnych apadkaŭ nie čakajecca. Tempieratura pavietra ŭnačy budzie plus 1-8 hradusaŭ, miescami pa paŭdniovym uschodzie zamarazki ad nula da minus 2 hradusaŭ. Dniom pavietra prahrejecca da plus 17-24 hradusaŭ.
U aŭtorak, 11 maja, budzie biez apadkaŭ. Tempieratura pavietra nočču składzie plus 3-10, pa zachadzie — da plus 12 hradusaŭ. Udzień čakajecca 19-26 hradusaŭ ciapła.
U sieradu, 12 maja, nočču prahnazujecca pieravažna biez apadkaŭ, dniom u asobnych rajonach projduć karotkačasovyja daždžy. Tempieratura pavietra nočču budzie plus 5-12 hradusaŭ. U dzionnyja hadziny pavietra prahrejecca da plus 16-22 hradusaŭ, u asobnych rajonach — da plus 25 hradusaŭ.
