Pryniaćcie hetaha rašeńnia ministrami abarony krain — siabraŭ supolnaści čakajecca 6 maja.
«Heta vielmi važna dla transatłantyčnaha supracoŭnictva i efiektyŭnaha ŭzajemadziejańnia pamiž krainami ES i ich sajuźnikami pa NATA», — pryvodzić ahienctva słovy krynicy.
Pavodle jaje danych, hałoŭnaja meta PESCO zaklučajecca va ŭdaskanaleńni pracesu abmienu infarmacyjaj pamiž siabrami ES i pasłableńni biurakratyčnych pracedur na miežach, u tym liku ŭzhadnieńnia mytnych pravił dla zabieśpiačeńnia chutkaha razhortvańnia i sproščanaha paradku transhraničnaha pierakidańnia vajskovaj techniki NATA pa Jeŭropie.
Krynica nie vyklučyła, što da prahramy mohuć dałučycca i inšyja dziaržavy, jakija nie ŭvachodziać u ES. U pryvatnaści, havorka moža pajści pra Vialikabrytaniju.
Prahrama PESCO była zaćvierdžana ES u 2017 hodzie z metaj sumiesnaha raźvićcia abaranazdolnaści, jaje dastupnaści dla jeŭrapiejskich vajskovych apieracyj. Svoj udzieł u prahramie paćvierdzili 25 krain Jeŭrasajuza. U Bruseli padkreślivajuć, što PESCO nie stanie kankurentam NATA.
