Pavodle źviestak Reuters, paciarpieli bolš za 70 čałaviek, niekatoryja zabłakavanyja ŭ vahonach, piša TASS.
Incydent adbyŭsia na 12-j linii mietrapalitena Miechika 3 maja ŭ 22:25 pavodle miascovaha času pamiž stancyjami «Alivas» i «Tesonka». Dva vahony ŭpali z vyšyni kala dziesiaci mietraŭ.
Pa słovach adnoj z paciarpiełych, ludzi pačali samastojna vybiracca z vahona, jaki ŭpaŭ, prykładna praz 15 chvilin paśla abvalvańnia mosta.
Taksama vidavočcy paviedamlajuć, što ŭ ciahniku było vielmi šmat pasažyraŭ. Ciahniki FE-12, jakija vykarystoŭvajucca na uviedzienaj u ekspłuatacyju ŭ 2012 hodzie linii, mieściać 1471 pasažyra.
Praviadzieńnie vyratavalnaj apieracyi na miescy abvału mietromosta było abciažarana z-za pahrozy padzieńnia niekalkich vahonaŭ mietro, jakija zaviśli nad ziamloj. Ciapier vyratavalnaja apieracyja zavieršana, adnak na miescy jašče pracujuć daktary, palicyja i vajskoŭcy.
Paśla incydentu projdzie pravierka ŭsich kanstrukcyj 12-j linii mietro ŭ Miechika.