Jon nahadaŭ, što sioleta Mižnarodnaje partniorstva pa zabieśpiačeńni dostupu da preparataŭ ad COVID-19 i srodkach dyjahnostyki ACT-Accelerator maje patrebu ŭ finansavańni ŭ pamiery $19 młrd. «Pavodle našych acenak, nam budzie nieabchodna jašče ad $35 młrd da $45 młrd u budučym hodzie, kab vakcynavać bolšaść darosłych ludziej u śviecie», — skazaŭ kiraŭnik SAAZ.
Pavodle słoŭ hiendyrektara, za apošnija dva tydni ŭ śviecie karanavirusam zarazilisia bolš ludziej, čym za pieršyja šeść miesiacaŭ pandemii.
Jon adznačyŭ, što bolš za pałovu vypadkaŭ zachvorvańnia, zarehistravanych na minułym tydni, prypadajuć na Indyju i Braziliju, adnak «u śviecie jość šmat inšych krain, jakija sutyknulisia ź vielmi ŭraźlivaj situacyjaj». U suviazi z hetym Hiebrejesus zaklikaŭ nasielnictva praciahvać prytrymlivacca sanitarnych rekamiendacyj SAAZ, u tym liku vykonvać miery fizičnaha dystancyjavańnia, nasić maski, pravietryvać pamiaškańni, myć ruki i prykryvać rot padčas kašlu, a nos padčas smarkańnia.
