«Što tyčycca našych hramadzian, jakija ŭtrymlivajucca pad vartaj u Iranie, to my padymajem hetaje pytańnie pry kožnaj mahčymaści.
Dla mianie niama pryjarytetu vyšej, čym viartańnie advolna aryštavanych amierykancaŭ, amierykanskich zakładnikaŭ dadomu, u Złučanyja Štaty, i heta tyčycca ŭsich krain», — adznačyŭ šef amierykanskaj dypłamatyi.
Jon abvierh paviedamleńni ab dasiahnieńni damoŭlenaści ab abmienie viaźniami pamiž ZŠA i Iranam.
«U cełym pa hetym pytańni my pavinny vystupać suprać advolnaha zatrymańnia hramadzian u palityčnych metach. <…> I ja spadziajusia, što z časam i prykładańniem vysiłkaŭ krainy zmohuć ustalavać normu, zhodna ź jakoj takaja praktyka prosta nieprymalnaja, pakolki jana takoj i źjaŭlajecca. I ja dumaju, što ŭ bližejšyja tydni i miesiacy ŭ nas buduć pieramovy z hetaj nahody. Krainy, jakija robiać takoha rodu dziejańni, pavinny viedać, što heta nie moža adbyvacca biespakarana, i heta sapraŭdy nieprymalna», — skazaŭ dziaržsakratar.
Raniej telekanał Al Mayadeen sa spasyłkaj na Iranskija krynicy paviedamiŭ, što ŭłady ZŠA mohuć razmarozić $7 młrd iranskich aktyvaŭ. Pa śćviardžeńni Al Mayadeen, Vašynhton i Tehieran taksama płanujuć abmianiacca zatrymanymi i vyzvalić pa čatyry čałavieki z kožnaha boku. Ahienctva Reuters, spasyłajučysia na dziaržaŭnaje telebačańnie Irana, paviedamiła, što pradstaŭnik iranskaj administracyi paćvierdziŭ płany ździejśnić abmien zatrymanymi z ZŠA.