Fota Depositphotos.com
Žabkarot — načnaja ptuška, jakuju časta błytajuć z savoj. Praź vializnuju dziubu i šyroka raspluščanyja vočy žabkarot maje zły vyhlad. Adnak heta nie pieraškadžaje jamu źbirać bolš za ŭsio łajkaŭ u instahramie, piša The New York Times.
Daśledčyki vyvučali samyja papularnyja akaŭnty ŭ instahram, pryśviečanyja ptuškam. Takim čynam jany sprabavali zrazumieć, ad čaho zaležyć pośpiech fotazdymkaŭ ptušak.
U vyniku daśledčyki pryjšli da vysnovy, što pośpiech fotazdymka zaležyć nie ad estetyki, a ad taho, nakolki niezvyčajna vyhladaje ptuška. Tamu žabkarot byŭ abvieščany samaj fotahieničnaj ptuškaj instahrama, jakaja źbiraje najbolšuju kolkaść łajkaŭ.
Fota Depositphotos.com
Žabkarot źjaŭlajecca asiedłaj ptuškaj, jakaja žyvie ŭ Paŭdniova-Uschodniaj Azii i Aŭstralii. Šyrokaja pašča, pryznačanaja dla łoŭli zdabyčy, robić ptušku padobnaj da maryjanietki. Praz svaje rysy i šyrokija vočy žabkarot zaŭsiody vyhladaje siardzitym abo zasmučanym.
