Žurnalistku TUT.BY Kaciarynu Barysievič, jakaja ŭtrymlivajecca ŭ śledčaj turmie ŭ Žodzinie, pastavili na ŭlik, jak schilnuju da ekstremizmu. Hetuju infarmacyju paćvierdziŭ TUT.BY jaje advakat Andrej Mačałaŭ.
Varta adznačyć, što heta ŭžo nie pieršaje paviedamleńnie ab tym, što zatrymanych i asudžanych pa palityčnych matyvach staviać na prafulik, u tym liku i žurnalistaŭ.
Pad vartaj Kaciaryna Barysievič znachodzicca ŭžo amal paŭhoda. Da hetaha ni razu ŭ žyćci Kacia nie pryciahvałasia da administracyjnaj adkaznaści, nie była sudzimaja, maje pastajannaje miesca žycharstva i pracy, na pracy charaktaryzujecca stanoŭča, nieadnarazova była adznačana za žurnalisckija materyjały, u tym liku pravaachoŭnymi orhanami, u 2020 hodzie stała «žurnalistam hoda» (pa viersii pravaabarončaj supolnaści).
Kryminalnuju spravu ŭ dačynieńni da Kaciaryny Barysievič i lekara BCHMD Arcioma Sarokina raspačali 19 listapada 2020 hoda. Ich abvinavacili ŭ razhałašeńni miedyčnaj tajamnicy, što, na dumku Hienprakuratury, paciahnuła ciažkija nastupstvy. Nahadajem, 13 listapada 2020 hoda za aŭtarstvam Kaciaryny Barysievič vyjšaŭ artykuł, u jakim sa spasyłkaj na miedycynskija dakumienty i kamientar lekara śćviardžałasia, što ŭ kryvi Ramana Bandarenki nie było vyjaŭlena etanołu. Pieršyja asoby zajaŭlali, što pamierły chłopiec byŭ pjany.
Pavodle prysudu, Kaciaryna Barysievič vyjdzie na volu 19 maja.
