Vialikdzień krychu pasunuŭ matčy siomaha tura: jany projduć z čaćviarha pa subotu. Tur budzie asablivym jašče pa adnoj pryčynie: zhodna z rehłamientam, z maja pa śniežań matčy vyšejšaj lihi nielha hulać na sintetycy, tamu ŭ čaćvier, vierahodna, my pabačym apošni matč sioletniaj «vyški» na štučnym hazonie.
Achviaraj śniežnaj zimy i chałodnaj viasny staŭ BATE. Kamanda pakul nie moža hulać na «Barysaŭ-Arenie», bo tam banalna jašče nie paŭsiul vyrasła trava. Navat nie dapamahaje padahreŭ hazona.
A voś kamu budzie nie chapać utulnaj areny sa štučnym hazonam, dyk heta «Šachcioru». Tak vyjšła, što salihorcy 5 z 6 matčaŭ praviali doma na adnajmiennym stadyjonie. Piać pieramoh i 16 zabitych miačoŭ — nie vyklučana, što ŭ takim tempie čempijony mohuć prajści i ŭvieś siezon, ale spadziajomsia na źjaŭleńnie intryhi ŭ budučym.
Fota: FK Šachcior.
Nadziei na toje, što salihorcam budzie składana ŭ matčy z «Rucham», nie apraŭdalisia. Bieraściejcy akazalisia zdolnyja tolki na hoł prestyžu, kali Darbo i kampanija zrabili lik 4:0.
Naohuł, šosty tur byŭ bahatym na bujnyja pieramohi. Z anałahičnym salihorskamu likam BATE razabrałasia z «Isłačču», u minskim derbi «Dynama» na kłasie razabrałasia z «Minskam», a «Słavija», dziakujučy dvum pienalci, vyjhrała ŭ «Słucka», zdabyŭšy pieršuju ŭ siezonie pieramohu.
U zarubie navičkoŭ «Smarhoń» pieramahła «Spadarožnik», pakinuŭšy «Nioman» na dnie tablicy adzinaj kamandaj, jakaja jašče nie pieramahała. Pakul na viaršyni tablicy «Šachcior» biezapielacyjna lidziruje, u druhoj jaje pałovie ŭsio vielmi niepradkazalna.
TURNIRNAJA TABLICA
Voś vyniki šostaha tura:
- «Smarhoń» — «Spadarožnik» 2:0 (36, Koviel; 89, Kopač)
- «Słavija» — «Słuck» 3:1 (9, Barsukoŭ; 49 (p), Čuchlej; 75 (p), Ślusar — 52, Viarhiejčyk)
- «Dynama-Brest» — «Viciebsk» 0:0
- «Enierhietyk-BDU» — «Nioman» 1:1 (11, Mavatu — 84, Zubovič)
- «Minsk» — «Dynama-Minsk» 1:3 (59, Bahamolski — 43, Puciła; 45, Mbienh; 63, Kiślak)
- «Isłač» — BATE 1:4 (7, Kamaroŭski — 24,57, Drahun; 55, Vaładźko; 70,Skavyš)
- «Šachcior» — «Ruch» 4:1 (14, 22, 77, Darbo; 67, H. Šaŭčenka — 87 (p), Savicki)
- «Homiel» — «Tarpieda-BiełAZ» — 1:1 (74, Niakrasaŭ — 90 (p), Dz. Ancileŭski)
A zaraz — da matčaŭ, jakija nas čakajuć na hetym tydni.
«Słuck» — «Dynama-Brest»
- 29.04, 18:00. Słuck, stadyjon SDK
- Kaeficyjenty: «Słuck» (pieramoha) — 3.02; ničyja — 3.34; «Dynama» (pieramoha) — 2.26.
Jak my i pradkazvali tydzień tamu, bresckaje «Dynama» i «Viciebsk» skončyli nulavoj ničyjoj. A voś bujnuju parazu «Słucka» ŭ Mazyry pradkazać było składana, ale za heta my, vidać, i lubim futboł. Z hetym mohuć paspračacca zaŭziatary słuččakoŭ, namiaknuŭšy na sudziejstva z dvuma pryznačanymi pienalci. Ale jak niekali kazaŭ były trenier «Słucka» Juryj Krot: «Heta žyćcio, heta futboł».
Na rodnaj sintetycy «cukrovyja» pakazvajuć niebłahi futboł i nabrali na joj amal usie svaje turnirnyja bały. Ale ci atrymajecca začapić adnaho ź lidaraŭ tablicy, jaki vielmi dobra abaraniajecca?
«Ruch» — «Słavija»
- 30.04, 15:30. ASK «Brescki»
- Kaeficyjenty: «Ruch» (pieramoha) — 1.50; ničyja — 4.15; «Słavija» (pieramoha) — 5.75.
Zaŭziatary bresckaj i mazyrskaj kamand atrymali supraćlehłyja emocyi tydzień tamu: «Ruch» upieršyniu prajhraŭ, pryčym adčuvalna, a «Słavija» efiektna vyjhrała, pryčym pierad svaimi zaŭziatarami.
Ciapier mazyrčukoŭ čakaje daloki vyjezd u Brest, a Kiryłu Alšeŭskaha — jašče adna sproba ŭklučyć «Ruch» u baraćbu za najvyšejšyja pazicyi.
«Dynama-Minsk» — «Enierhietyk-BDU»
- 30.04, 17:30. Minsk, stadyjon «Dynama»
- Kaeficyjenty: «Dynama» (pieramoha) — 1.48; ničyja — 4.25; «Enierhietyk» (pieramoha) — 5.85.
«Studenty» kryŭdna ŭpuścili pieramohu ŭ samaj kancoŭcy hulni ŭ Hrodnie. Ale mahli ŭjechać naohuł ni z čym, bo druhi hoł «Niomana» byŭ admienieny z-za afsajdu. Bieśpieramožnaja sieryja «Enierhietyka» tym časam raściahnułasia da piaci matčaŭ.
«Dynama» paśla pieramohi nad «Minskam» čakaje druhoje zapar staličnaje derbi. U papiarednich dvuch siezonach try z čatyroch matčaŭ «bieła-sinich» suprać «Enierhietyka» byli bahatyja na hały. Tamu ŭ piatničny viečar na stadyjonie «Dynama» moža być śpiakotna.
«Viciebsk» — «Homiel»
- 30.04, 19:30. CSK FK «Viciebsk»
- Kaeficyjenty: «Viciebsk» (pieramoha) — 3.22; ničyja — 3.20; «Homiel» (pieramoha) — 2.18.
U «Homiela» anałahičnaja historyja z «Enierhietykam» — upuščanaja pieramoha ŭ samym kancy matču na vačach u amal čatyroch tysiač zaŭziataraŭ. Ale hamialčanam jašče bolš kryŭdna, čym «studentam»: jak akazałasia, u momancie z pryznačeńniem pienalci, ź jakoha adhulałasia žodzinskaje «Tarpieda», parušeńnia praviłaŭ nie było. Pra heta pradstaŭnik fiederacyi futboła raskazaŭ u admysłovaj videapieradačy, dzie raźbirajuć sudziejskija rašeńni.
Fota: newsgomel.by
Što tyčycca «Viciebska», to paŭnočnaja kamanda zastajecca samaj nievidoviščnaj u lizie z dvuma zabitymi i adnym prapuščanym miačami. Abarončaj linii pazajzdrościać navat lidary, ale voś ataka pakul u viciablan dziejničaje na ŭzroŭni aŭtsajdaraŭ.
«Nioman» — «Isłač»
- 01.05, 14:00. CSK «Nioman»
- Kaeficyjenty: «Nioman» (pieramoha) — 1.79; ničyja — 3.58; «Isłač» (pieramoha) — 4.10.
Turnirnaja situacyja i prablemy «Niomana», zdajecca, nijak nie ŭpłyvajuć na bukmiekieraŭ, jakija vysoka aceńvajuć šancy haradziencaŭ na zdabyču pieršaj pieramohi.
Śpisvać z rachunkaŭ «Isłač» dakładna nie varta. Kamanda prajhravała tolki naminalnym favarytam: «Šachcioru», «Ruchu» i BATE, a try astatnija matčy vyjhrała z ahulnym likam 8:1. U «Niomana» ž, nahadajem, u hrafie pieramoh zastajecca nul.
«Tarpieda-BiełAZ» — «Minsk»
- 01.05, 16:00. Žodzina, stadyjon «Tarpieda»
- Kaeficyjenty: «Tarpieda» (pieramoha) — 1.87; ničyja — 3.46; «Minsk» (pieramoha) — 3.88.
Padobnaja situacyja pa raskładach, jak u papiaredniaj hulni. Niahledziačy na bolš vysokaje miesca «Minska» ŭ tablicy i vidavočnyja prablemy ŭ žodzincaŭ, bukmiekiery bolš vierać u ich, čym u minčukoŭ.
Žodzinskija zaŭziatary začakalisia pieramoh, jakich niama voś užo try tury, najbolš radykalnyja ŭžo pačynajuć patrabavać adstaŭki Juryja Puntusa. Ale, zdajecca, kredyt davieru ŭ treniera zastajecca, jak i mahčymaści dla vypraŭleńnia situacyi.
«Spadarožnik» — «Šachcior»
- 01.05, 18:00. Homiel, stadyjon «Centralny»
- Kaeficyjenty: «Spadarožnik» (pieramoha) — 14.25; ničyja — 7.10; «Minsk» (pieramoha) — 1.149.
Ź sintetyki homielskaj SdzJuŠAR-8 čempijony pieršaj lihi pierajazdžajuć na naturalny hazon «Centralnaha». Pakul niajasna, ci dačakajucca rečyckija zaŭziatary vyšejšuju lihu ŭ svaim horadzie.
Jak upłyvaje pa-sapraŭdnamu chatniaje pole na hulniu, u papiarednim tury «Spadarožniku» pakazała «Smarhoń». Pieršy matč doma paśla piaci ŭ haściach — i adrazu pieramoha, dziakujučy jakoj smarhoncy znoŭ apynulisia vyšej za rečyčan u tablicy. Vysnovy možacie zrabić sami.
BATE — «Smarhoń»
- 01.05, 20:00. Barysaŭ, stadyjon «Haradski»
- Kaeficyjenty: BATE (pieramoha) — 1.07; ničyja — 9.90; «Smarhoń» (pieramoha) — 22.00.
U pačatku prevju my pisali pra prablemy z hazonam na «Barysaŭ-Arenie». Ale BATE pakul dobra i na ołdskulnym «Haradskim»: dźvie pieramohi ŭ dvuch matčach, pryčym jany atrymlivajucca jarkimi pa atmaśfiery i bahatymi na hały.
«Smarhoni» budzie zvyšskładana začapicca za hulniu suprać adnaho z topaŭ lihi. Kali BATE znoŭ pieramoža na svaim starym stadyjonie, dyk, moža, i nie treba budzie viartacca na sučasnuju arenu, kab nie adpudzić udaču?
Bukmiekierskaja kantora Marafon prapanuje novym klijentam BONUS 10 rub «Biasprojhryšnaja pieršaja staŭka» pa promakodu 10BYN pry rehictracyi na sajcie marathonbet.by.
Heta vydatnaja mahčymaść zrabić prahlad matča lubimaj kamandy jašče bolš zachaplalnym! Usie detali bonusnaj prapanovy čytajcie tut.
Marafonbiet źjaŭlajecca najbujniejšym bukmiekieram u Biełarusi pa kolkaści kas (Licenzija № 33120/171, vydadzienaja MPZ RB) i pradstaŭleny ŭ 21 horadzie krainy.
Śpis adrasoŭ kas
