Ilustracyjnaje fota, «Bresckaja hazieta»
U šmatkvaternym domie na vulicy Łuckaj sa žniŭnia pa listapad minułaha hoda na pažarnych łodžyjach mianiali lampački. Prakuratura paviedamlaje, što hetym parušalisia patrabavańni budaŭničych normaŭ.
Administracyja Maskoŭskaha rajona Bresta nieadnarazova nakiroŭvała staršyni tavarystva ŭłaśnikaŭ pradpisańni z patrabavańniem viarnuć usio, jak było. Adnak heta ihnaravałasia — sud aštrafavaŭ staršyniu.
Paźniej prakuratura horada źviarnułasia ŭ sud z pazovam ab spahnańni 164 rubloŭ na karyść kamunalnikaŭ. U takuju sumu ŽREU acaniła paniesienyja vydatki pa abśledavańni sistemy aśviatleńnia i zamienie lampačak.
Sud zadavoliŭ pazoŭ. Akramia hrošaj dla kamunalnikaŭ, z tavarystva ŭłaśnikaŭ spahnali jašče 725 rubloŭ dziaržpošliny.
