Navukoŭcy stvaryli bakteryjalnuju bijaplonku Pseudomonas aeruginosa. Atrymałasia štości nakštałt mikrobnaj sietki. Jana moža zachoplivać i hrupavać čaścinki mikrapłastyku, a zatym apuskać ich na dno vady. Heta dazvalaje źbirać mikrapłastyk sa dna, a zatym pierapracoŭvać jaho, piša The Guardian.
Adna z najvialikšych prablem mikrapłastyku ŭ tym, što jaho drobnyja čaścicy składana vychapić, kab paśla pierapracavać i ačyścić navakolnaje asiaroddie. Tamu takaja bakteryjalnaja plonka źjaŭlajecca inavacyjnym adkryćciom, jakoje dapamoža vyrašać prablemy zabrudžvańnia.
Mikrapłastyk — heta płastykavyja frahmienty mienš za 5 milimietraŭ, jakija traplajuć u navakolnaje asiarodździe padčas pracesaŭ žyćciadziejnaści. Mikrapłastyk nie pierahnivaje, a zachoŭvajecca ŭ atmaśfiery ci vadzie na praciahu doŭhaha času i tym samym nazapašvaje taksičnyja rečyvy. Na siońnia nie isnuje ŭniviersalnych mietadaŭ, jakija b mahli vyrašyć prablemu zabrudžvańnia mikrapłastykam.