Jamu razam z advakatam z ZŠA Jurasiom Ziankovičam i litaraturaznaŭcam Alaksandram Fiadutam vystaŭlena abvinavačańnie pa artykule 357 KK «Zmova ci inšyja dziejańni, ździejśnienyja z metaj zachopu dziaržaŭnaj ułady». Nibyta jany rychtavali zamach na Alaksandra Łukašenku.
Na telekanale ANT pakazali kadry, dzie nibyta Kastusioŭ pryznaje svaju vinu. Adnak rodnyja palityka pakul što nie viedajuć, ci sapraŭdy jon pryznaŭ vinu, albo heta mahła być narezkaj.
Ź niekalkich niezaležnych adna ad adnoj krynic «NN» stała viadoma, što ŭ SIZA KDB Ryhor Kastusioŭ znachodzicca ŭ adnoj kamiery z palitykam i bankiram Viktaram Babarykam.
U niavoli Babaryka ad červienia minułaha hoda, jaho abvinavačvajuć pa dvuch artykułach — lehalizacyja srodkaŭ, atrymanych złačynnym čynam i atrymańnie chabaru. Sud nad Babarykam užo idzie, ale nieviadoma, kali skončyccca.
Pry zatrymańni ŭ Kastusiova ŭźnikli prablemy sa zdaroŭjem, mocna skakaŭ cisk, ale daktary dobra spracavali. Ciapier stan zdaroŭja palityka narmalny.
