29 krasavika budzie adznačacca 100-hodździe viadomaha historyka.
«Vystava «Staražytnaja Biełaruś» addaje daninu pavahi historyku i daśledniku. U ekspazicyi pradstaŭleny žyvapis i hrafika biełaruskich mastakoŭ — vodhuk na daśledavańni Mikoły Jermałoviča. Raboty detalova, ź pijetetam stvarajuć vobraz staražytnaj Biełarusi.
Tut buduć pradstaŭlenyja tvory Paŭła Tatarnikava, Michaiła Basałyhi, Vasila Šaranhoviča, Kanstancina Vaščanki, Safii Piskun, Alaksandra Kašalova, Taćciany Faminoj, Viktara Varankieviča, Jaŭhienii Suchavierchavaj.
Pabačyć vystavu možna budzie da 22 červienia.
Arhanizatarami ekspazicyi vystupajuć Nacyjanalnaja biblijateka, Biełaruski sajuz mastakoŭ. Kuratar — biełaruski mastak i hramadski dziejač Mikoła Kupava.
Taksama ŭ NBB u zale biełaruskaj litaratury pracuje knižnaja vystava «Šlach da viečnaści», pryśviečanaja daśledčaj dziejnaści Mikoły Jermałoviča. Jaje možna naviedać da 17 maja.
