Fota The Wall Street Journal
U adroźnieńnie ad svaich papiarednikaŭ, Džordž Buš nie staŭ zajmacca hramadskaj dziejnaściu paśla taho, jak pakinuŭ post prezidenta. Adnak Buš-małodšy znajšoŭ siabie ŭ mastactvie. Jon maluje partrety suśvietnych lidaraŭ, a taksama amierykanskich imihrantaŭ, jakich viedaje asabista.
Džordž Buš bolšaść času žyvie ŭ Dałasie razam sa svajoj žonkaj Łoraj Buš, jakaja zajmajecca aktyvizmam u pytańniach achovy pryrody i pravoŭ žančyn. Adnak časta para naviedvaje svajo ranča ŭ Kroŭfardzie, dzie za 50 krokaŭ ad doma znachodzicca majsternia mastaka, dzie były prezident piša karciny.
Džordž Buš z žonkaj. Fota The Wall Street Journal
Na ranča Džordž Buš štodzionna trenirujecca, lubić katacca na rovary i hulać z sabakam Fredzi. Pryroda natchniaje jaho na mastactva, tamu štodnia paru hadzin były prezident pryśviačaje svaim karcinam, piša The Wall Street Journal.
U dziacinstvie Džordž Buš nie malavaŭ. Ale kali jamu spoŭniłasia 13, jaho siamja pierajechała ŭ Chjustan, dzie baćki naniali žančynu Paŭłu Rendan, jakaja musiła kłapacicca pra dziaciej i sačyć za domam.
Buša-małodšaha natchniła historyja Paŭły, jakaja ź Mieksiki pryjechała ŭ ZŠA bieź ničoha i staranna pracavała, kab zabiaśpiečyć svaju siamju. Dla Džordža jana stała druhoj maci, tamu jaje partret staŭ jaho pieršaj pracaj.
Adnak usurjoz były prezident pačaŭ zajmacca mastactvam tolki na piensii. Sam Džordž Buš nie ličyć siabie vialikim mastakom, ale pryznajecca, što praz mastactva adkryŭ dla siabie novy śviet.
