Fota Washington Post
Z dapamohaj technałohii Amazon One pakupnik moža padnieści dałoń da pryłady, što sčytvaje adbitak, i tym samym chutka ździejśnić apłatu ŭ kramie, paviedamlaje The Washington Post.
Kampanija pačała teściravać hetu technałohiju jašče letaś u vieraśni. Ekśpierymienty prajšli paśpiachova, i pakupniki byli zadavolenyja mahčymaściu płacić rucham dałoni, bieź nieabchodnaści dastavać kartku, hadžet ci najaŭnyja hrošy.
Kab pačać apłačvać tavar dałońniu, treba prajści sistemu rehistracyi. Dla hetaha ŭ kramach buduć ustalavanyja admysłovyja pryłady, jakija stvarajuć unikalny adbitak dałoni z dapamohaj kampjutarnaha zroku. Treba ŭsiaho tolki praskanavać abodva baki dałoni niekalki chvilin, kab źviazać adbitak z kartkaj, a zatym možna adrazu karystacca novaj technałohijaj.
Niekatoryja ekśpierty aścierahajucca, što pakupniki ryzykujuć, kali pieradajuć svaje bijamietryčnyja źviestki kampanijam. Adnak Amazon pierakonvaje, što technałohija całkam biaśpiečnaja, a skanavańnie dałoni bolš kanfidencyjalnaje, čym inšyja bijamietryčnyja alternatyvy, naprykład, raspaznavańnie tvaru.
