Ahrastartap OneSoil zakryŭ novy raŭnd inviestycyj: u studzieni kamanda pryciahnuła 5 młn dalaraŭ ad dvuch vienčurnych fondaŭ-mižnarodnaha Almaz Capital ($4 młn) i vuhorskaha PortfoLion ($1 młn), paviedamlaje Dev.by.
Hetyja hrošy pojduć na raźvićcio kamandy.
— My źbirajemsia pašyryć štat, pryciahvajučy novych ludziej u inšych rehijonach, — raspavioŭ dev.by zasnavalnik OneSoil Viačasłaŭ Mazaj. — U nas vialiki fokus na Paŭdniovuju Amieryku i Jeŭropu. Na kaniec 2020 hoda nas było 43 čałavieki. U płanach pašyrycca ŭ 1,5 raza, čałaviek da 60.
Ździełka prajšła ŭ šviejcarskaj jurysdykcyi, dzie raźmieščany hałaŭny ofis OneSoil. Doli, jakija novyja inviestary atrymali za $4 i $1 młn, nie vydajucca.
Pieršymi inviestarami OneSoil ŭ listapadzie 2017 hoda stała kampanija Haxus Juryja Hurskaha i Alaksieja Hubarava, a taksama Juryj Mielničak i Leanid Łoźnier. U sumie jany ŭkłali 500 tysiač dalaraŭ. U 2019 hodzie adkryty da taho času fond Juryja Mielnička Bulba Ventures i Haxus ukłali ŭ startap jašče 1,2 młn dalaraŭ. U 2020 hodzie Hurski i Mielničak abmianialisia dolami ŭ startapach OneSoil i Wonnaby, paśla čaho saŭładalnikami OneSoil, akramia suzasnavalnikaŭ, zastavalisia Juryj Mielničak, Leanid Łoźnier i Alaksandr Čekan (adzin z partnioraŭ Haxus).
