Biełaruskaja čyhunka pryznačyła dadatkovyja ciahniki dla zabieśpiačeńnia pieravozak pasažyraŭ u dni krasavickich i majskich śviataŭ.
Dadatkova naznačany ciahniki pa maršrucie Minsk — Brest.
Takim čynam, 23 i 30 krasavika 2021 hoda dadatkova praduhledžana kursiravańnie ciahnika № 753 Minsk — Brest. Ciahnik №753 Minsk — Brest adpravicca ź Minska ŭ 16:53 i prybudzie ŭ Brest u 20:45.
25 krasavika 2021 hoda dadatkova pryznačany ciahnik №630 Brest — Minsk, adpraŭleńniem z Bresta ŭ 18:32 i prybyćciom u Minsk u 23:51.
26 krasavika 2021 hoda dadatkova pryznačany ciahnik №629 Minsk — Brest adpraŭleńniem ź Minska ŭ 00:38 i prybyćciom u Brest u 05:47.
Na budučyja majskija śviaty i Radaŭnicu z 2 pa 11 maja 2021 hoda ŭžo pryznačana 69 dadatkovych ciahnikoŭ. Jany buduć kursiravać pa najbolš zapatrabavanych u pasažyraŭ napramkach: Minsk - Brest, Minsk — Homiel, Minsk — Viciebsk, Minsk — Hrodna, Minsk — Kamunary, Minsk — Pinsk, Minsk — Śvietłahorsk, Viciebsk — Brest, Homiel — Viciebsk, Hrodna — Orša — Kryčaŭ.
Akramia taho, budzie pavialičana kolkaść miescaŭ dla prajezdu pasažyraŭ u ciahnikach №747/748, 710/709 Minsk — Homiel 8, 10 i 11 maja 2021 hoda.
