Fota CNN
EQS — heta pieršy całkam elektryčny siedan kłasa luks ad kampanii Mercedes, jaki ŭvosień źjavicca ŭ prodažy. Elektramabil maje rekordnuju aeradynamiku, a jaho zaradki chopić na 700 km, paviedamlaje CNN.
Novy elektramabil demanstruje pieradavyja technałohii kampanii. Naprykład, dźviery pracujuć aŭtamatyčna, jak i ŭ niekatorych madelach Tesla. Kali kiroŭca nabližajecca da elektramabila, jaho dźviery sami adčyniajucca.
Novy elektramabil maje režym Power Nap, jaki dazvalaje kiroŭcam adpačyć u darozie padčas prypynkaŭ. Režym aŭtamatyčna adkidvaje kresła kiroŭcy nazad, rehuluje ŭnutranaje aśviatleńnie, stvaraje navies nad šklanym dacham i začyniaje vokny. Na ekranach paneli źjaŭlajucca vyjavy zornaha nieba, a stereasistema ŭklučaje spakojnuju muzyku dla snu. Praź niekatory čas elektramabil pačynaje praceduru prabudžeńnia, jakaja ŭklučaje ŭ siabie masaž i pryjemny vodar. Zatym kresła aŭtamatyčna padymajecca, a navies źnikaje.
