Fota MUS
Spravu razhledzieła sudździa Novikava. Prakuror — Kasinskaja. Paciarpiełyja — staršynia ŭčastkovaj vybarčaj kamisii ŭ Chaciežyna Radźko i jaje namieśnica Krasoŭskaja. Abiedźvie zajavili pazoŭ na vypłatu maralnaj škody: pa 3000 rubloŭ kožnaj. Pazoŭ sudździa Novikava taksama zadavoliła.
Sud taksama abaviazaŭ spahnać z Łosika dziaržpošlinu — 174 rubli, sudovyja vydatki — 492 rubli 44 kapiejki.
Łosika pryznali vinavatym u tym, što jon paviesiŭ na moście pudziły z fotazdymkami ministra ŭnutranych spravaŭ i staršyni vybarčaj kamisii Chaciežynskaha ŭčastka dla hałasavańnia z nadpisam «Nie zabudiem, nie prostim!», a taksama ŭ naniasieńni vyjavaŭ z hierbam «Pahonia» na zbudavańniach i aporach masta.
Fotazdymki pudziłaŭ byli raźmieščany ŭ čacie «Chaciežyna dla žyćcia».
Viktar Łosik pryznaŭ vinu pa artykule 339 i nie pahadziŭsia — z artykułam 341, prynios prabačeńni paciarpiełym, pudziły z fotazdymkami jakich vyviešvaŭ: pryznaŭ usie try fakty vyviešvańnia pudziłaŭ.
