U milicyju źviarnuŭsia minčuk. Jon raspavioŭ, što paprasiŭ znajomaha raźmiaścić u internecie zajaŭku ab pieravozcy 20 ton jabłyk u Homiel.
Praź niekatory čas jamu patelefanavaŭ mužčyna, pradstaviŭsia Arciomam, prapanavaŭ pasłuhi. Maŭlaŭ, u jaho jość ułasnaja mašyna. Mužčyny sustrelisia, zahruzili 20 ton jabłykaŭ u aŭtamabil, paśla čaho kiroŭca źjechaŭ, adnak da miesca pryznačeńnia nie prybyŭ, a mabilny adklučyŭ.
Milicyja ŭstanaviła asobu kiroŭcy. Heta byŭ 29-hadovy žychar Bresckaj vobłaści.
Vyśvietliłasia, što jon vyrašyŭ skarystacca prapanovaj, a daviedaŭšysia, što jabłyki buduć pieravozicca biez supravadžalnych dakumientaŭ, vyrašyŭ ich skraści i pierapradać. Zamianiŭ na svaim transpartnym srodku rehistracyjny znak i staŭ vykarystoŭvać inšuju sim-kartu.
Paśla taho, jak 20 ton jabłykaŭ (uładalnik acaniŭ hruz u 19 tysiač rubloŭ) byli zahružanyja ŭ aŭtamašynu, mužčyna vyviez ich u Maładziečna, dzie pradaŭ, a hrošy zabraŭ sabie.