Vaškievič na fota ŭ biełym, vk.com/lidselmashfc
Pamior były hiendyrektar AAT «Kirujučaja kampanija chołdynhu «Lidsielmaš», a taksama zasnavalnik i kiraŭnik mini-futbolnaha kłuba «Lidsielmaš» Juryj Vaškievič. Ab śmierci paviedamlajecca ŭ aficyjnaj hrupie mini-futbolnaha kłuba «UKantakcie», piša Tut.by
Vaškievič kiravaŭ «Lidsielmašam» z 2013 pa 2019 hady. U 2009 - m jon inicyjavaŭ stvareńnie ŭ Lidzie mini-futbolnaha kłuba «Lidsielmaš», staŭšy jaho kiraŭnikom. Za 10 hadoŭ kłub nieadnarazova stanaviŭsia čempijonam Biełarusi.
U 2019 hodzie Juryj Vaškievič byŭ zatrymany pa padazreńni ŭ kradziažy šlacham złoŭžyvańnia słužbovymi paŭnamoctvami. Jon byŭ zaklučany pad vartu na 2 miesiacy.
Krynicy Tut.by zatrymańnie Vaškieviča źviazvali z adhruzkaj pradukcyi pa zanižanych cenach, jak heta było z historyjaj na «BiełOMA». Rasśledavaŭ kryminalnuju spravu Śledčy kamitet.
Paśla aryštu Vaškieviča mini-futbolny kłub «Lidsielmaš» pierastaŭ isnavać — letam 2019 hoda było abvieščana ab jaho zakryćci.
