Fota z fejsbuka
— Ja hramadzianin Biełarusi, ale z 2007 hoda žyvu za miažoj. Dačka naradziłasia ŭ 2012 hodzie, jana hramadzianka inšaj krainy, ale ŭ Biełarusi maje paśviedčańnie na časovaje pražyvańnie. Zarehistravanaja jana tam, dzie i ja, u Kareličach, — raspavioŭ Raman Hrodna.life.
Za kamientary ŭ Telegram Ramana raspačali kryminalnuju spravu, raskazaŭ jon. Pa jakim artykule, nikomu pakul nie skazali.
— Voś usich, chto zarehistravany pa hetym adresie, i vyklikajuć na dopyt. Paviestku prysłali i majmu baćku, invalidu pieršaj hrupy. Maja mama chadziła da ich u SK. Pytalisia pra mianie i skazali, što pryjduć ź pieratrusam. Choć ja ŭ RB i nie žyvu daŭno, i ŭsie pra heta viedajuć.
Dačka Ramana pastajanna žyvie ŭ inšaj krainie. U Kareličach jana była tolki niekalki razoŭ. Pozvu 8-hadovaj dziaŭčyncy Raman aceńvaje jak «nieprafiesijnuju pracu supracoŭnikaŭ». Skardzicca na dziejańni supracoŭnikaŭ u Biełarusi jon nie bačyć sensu.
U pres-słužbie SK atrymać kamientar Hrodna.life nie ŭdałosia.
