— Polšča nikoli nie ŭdzielničała, nie płanavała i nie płanuje nijakich dziejańniaŭ pa padrychtoŭcy zamachu na Alaksandra Łukašenku. Kali chtości [abo] pan Alaksandr Łukašenka kaža takija rečy, to jon chłusić. Polšča nie ŭdzielničaje ni ŭ jakich padobnych dziejańniach. Prašu heta pačuć — pa-pieršaje. I viedać: kali chtości heta panu padkidvaje, jaho padmanvajuć, — skazaŭ Ščerski ŭ efiry telekanała TVP Info, piša Tut.by.
Raniej «absalutna iłžyvaj» nazvali zajavu ab datyčnaści amierykanskich uładaŭ da zmovy suprać Łukašenki ŭ Dziarždepartamiencie ZŠA.
17 krasavika FSB RF paviedamiła, što zatrymanyja ŭ Maskvie biełaruski palitołah Alaksandr Fiaduta i amierykanski advakat biełaruskaha pachodžańnia Juryj Ziankovič płanavali vajskovy pieravarot u Biełarusi i fizičnuju likvidacyju Łukašenki. Śćviardžałasia, što ŭ rasijskuju stalicu Ziankovič prybyŭ «paśla praviedzienych kansultacyj u ZŠA i Polščy».
Fiaduta i Ziankovič vyviezieny ŭ Biełaruś. Raspačataja kryminalnaja sprava pa č. 1 art. 357 Kryminalnaha kodeksa («Zmova abo inšyja dziejańni, ździejśnienyja z metaj zachopu ci ŭtrymańnia dziaržaŭnaj ułady niekanstytucyjnym šlacham»). Maksimalnaje pakarańnie — da 12 hadoŭ pazbaŭleńnia voli.
