TASS
«Fiederalnaj słužbaj biaśpieki RF sumiesna z Kamitetam dziaržaŭnaj biaśpieki Respubliki Biełaruś (RB) u vyniku praviedzienaj śpiecapieracyi spynienaja supraćpraŭnaja dziejnaść, Ziankoviča Juryja Leanidaviča, jaki maje dvajnoje hramadzianstva ZŠA i Biełarusi, i hramadzianina Biełarusi Fiaduty Alaksandra Iosifaviča, jakija płanavali ažyćciaŭleńnie vajennaha pieravarotu ŭ Biełarusi pa adpracavanym scenary «kalarovych revalucyj» z pryciahnieńniem miascovych i ŭkrainskich nacyjanalistaŭ, a taksama fizičnaja likvidacyja prezidenta Alaksandra Łukašenki», — havorycca ŭ zajavie, paviedamlaje TASS.
Pavodle źviestak FSB, Ziankovič prybyŭ u Maskvu paśla kansultacyj u ZŠA i Polščy dla sustrečy z pradstaŭnikami Uzbrojenych Sił Biełarusi, kab pierakanać ich udzielničać u vajskovym pieravarocie z udziełam miascovych i ŭkrainskich nacyjanalistaŭ.
«Paśla dakumientavańnia nazvanaj sustrečy zmoŭščyki byli zatrymanyja rasijskimi orhanami biaśpieki i pieradadzienyja biełaruskim partnioram», — paviedamili ŭ FSB.
Tam adznačyli, što pieravarot płanavaŭsia ŭ Minsku 9 maja padčas paradu Pieramohi.
Cikava, što parady 9 maja ŭ Minsku zvyčajna nie pravodziacca, kali heta nie jubilejny hod. Takim čynam, u minułym hodzie byŭ, ale heta było 75-hodździe Pieramohi. U 2018-m i 2019-m paradaŭ 9 maja nie było, byli zvyčajnyja šeści na praśpiekcie Niezałažnaści, a parady byli 3 lipienia, u Dzień Niezaležnaści, kali byŭ vyzvaleny Minsk ad nacystaŭ.