fota pixabay.com
Kamiery bolšaści smartfonaŭ składajucca z šmatsłojnych linz — jany robiać telefon bolš ciažkim i abjomnym, adnačasova z tym jany paharšajuć jaho vyhlad. Ale zaraz idzie raspracoŭka novaj linzavaj technałohii. Čakajecca, što jana palepšyć takuju charaktarystyku kamier, jak maštabavańnie, i zrobić zdymki jarčejšymi, pry hetym jašče i źmienšyć vahu i pamier telefona, piša VVS.
Kanadskaja kampanija Scope Photonics žadaje damahčysia taho, kab pry maštabavańni zdymki nie hublali vyraznaści. Kamiera, jakuju raspracoŭvajuć navukoŭcy kampanii, zasnavanaja na technałohii vadkich kryštalaŭ. Daśledčyki prymušajuć kryštali rearhanizoŭvacca ŭ zaležnaści ad taho, jak praź ich prachodzić śviatło, i takim čynam kryštali paŭtarajuć strukturu šmatsłojnych linz. Tamu dla taho, kab pavialičyć ci źmienšyć maštab zdymka, chopić adnasłojnaj linzy zamiest šmatsłojnaj.
Startap Metalenz z Kiembrydža ŭ amierykanskim štacie Masačusiets prapanuje technałohiju, što dazvolić pazbavicca ad źviazanaha z kamieraj vystupu na zadniaj častcy smartfona i ŭ toj ža čas zrabić zdymki bolš jarkimi i vyraznymi. Kamiera, što prapanuje kampanija, zasnavanaja na adnoj linzie na bazie šklanoj płaścinki pamieram ad adnaho da troch kvadratnych milimietraŭ. Jaje kremnijevyja nanastruktury nakiroŭvajuć pramiani śviatła takim čynam, kab atrymlivać zdymki lepšaj jakaści.
Va ŭniviersitecie amierykanskaha štata Juta hrupa daśledčykaŭ raspracavała linzu, jakaja ŭ 100 razoŭ lahčejšaja i ŭ tysiaču razoŭ bolš tonkaja, čym linzy ŭ kamierach smartfona Apple iPhone 11. Jana składajecca z tysiač prahramavanych mikrastruktur, jakija fakusirujuć śviatło na sensary vyjavy tym ža čynam, jak i zvyčajnyja bolš toŭstyja linzy.
U vypadku raspracoŭvańnia składanych pryład, takich jak sputniki i drony, źnižeńnie vahi kamiery navat na častku hrama moža prynieści vialikuju karyść. Kali ž pieranosić hetyja technałohii ŭ zvyčajnyja smartfony, važna razumieć, što ich karystalniki nie čakajuć ad pracy z hadžetami ničoha składanaha. Kali ludziam spatrebicca instrukcyja dla kamiery smartfona, značyć, jaje raspracoŭščyk u niečym pamyliŭsia.
